Corpus Van Reenen-Mulder (CRM14): Oorkonde K685r39901

Hubrecht gheheyten pigghe als wittighe man en_ mo_boer Arkemaden sijns wijfs twee ende twentych lopen rogs jaerlijcs ende erfelijcs pachts die welc wiln_e Engbrecht zoen wiln_e willem comans wiln_e he_n willem gheheyten die coster priester gheldende was allen jaer op onser vrouwen dagh als + men kersen dreeght van twee stucken lands dat een stuc in + de_n acke_n tusschen Oest_wijc en_ haren tusschen der erfenisse_ des p_soens der kerken van Oesterwijc optie een zide en_ tusschen der erfenisse_ jans van + den eynde optie and_ zide hode_de metten enen eynde opten waterlaet dat and_ stuc in + de_n acke_n after Oest_wijc tussche_ der straten optie een zide en_ tussche_ der erfenisse_ wiln_e Gherijts hoersen optie and_ zide gheleghen als hy seyde En_ welc twee stucken lands voers_ dese voergh_ wiln_e Engbrecht ieghen den voergh_ wiln_e he_n willem voer + den voers_ erfpacht van twee ende twintych lopen rogs ontfanghen hadde in een recht erfrecht te besitten ghelijc als dit in Scepen~litte_n van Oest_wijc hier op ghemaect volcomeliker begrepen is en_ in + den seluen begrepen zaghen En_ welc twee en_ twintych lopen rogs erfpachts voers_ dese voers_ wiln_e he_n willem der voergh_ arkemade_ beset heeft alsoe als dese voergh_ hubrecht seyde heeft hy vercoft in enen wittighen cope laureyns vannijn zoen wiln_e henric ? zoen wiln_e peter vannijns En_ in + den name des ghes_ coeps soe heeft dese voers_ vercop_ dese voers_ twee en_ twintych lopen rogs erfpachts den voergh_ cop_e ouerghegheuen ende opghedraghen met afgaen ende vertyen als daer toe behoerlijc is daer die ierst betaeldagh af wesen sal van + den voers_ onser vrouwen dagh naest toe~comende ouer een jaer Ende heeft gheloeft hubrecht voers_ op hem en_ op sijn goet dese voers_ twee ende twintych lopen rogs erfpachts den voergh_ laureyns cop_e te warne_ tot euwighen daghen als + men erfpacht sculdich is te warne_ En_ allen voerco_mer en_ calangie daer in wesende altemael af + te doen den seluen Orconden hebben hier ouer gheweest Scepen in Oesterwijc henric Boef ende aert walrauen die hoer zeghelen in ghetughenisse_ hier aen hebben ghehanghen jnt jaer ons he_n dusent drye + hondert tneghentych ende neghen des maendaghs na des heylighe kerst~dagh