Corpus Van Reenen-Mulder (CRM14): Oorkonde K687r35101

Wi danel va_ den staedecker / gherit va_ mellincroede / godeuaert va_ der hameyde_ / didderic willems zoen was van aerle / didderic van ouerlaer / heinric van heersel / En_ jhan van blaertu_ Scepene in Oerscot doen cont allen lieden die dese lettere_ soelen sien / oft hoere_ lesen / dat wi ghewijst hebben / nae al dadt voer ons come_ is / als tussce_ jan van ellaer / En_ enghelbere_ sijn suster ouermids manisse des richters in ene_ gheba_ne_ ghedinghe / in ene_ vo_nis ghelijc als ons onse hoeft ghaf nae onsen lant~recht als dat men Enghelbere_ sceydinghe / en_ deylinghe doe hebben van alsolkene_ goede / als daer sophie hoer moeder in bestarf / alsoe als recht is . En_ ouermids dit soe is her arnt van den dyke ridder / scoutheyt va_ den bossce gheuare_ met den Scepene_ van oerscot op den goede tot ellaer gheleghen in der parrochien van oerscot / En_ heeft dat goet bestaen te sceyde_ en_ te deylen nae den recht ghelijc als tvo_nis hadde ghewiist / En_ want hom die tijt te cort waert ouermids anders sake_ daer hi mede te doen hadde als hi seyde / soe beual hi hein,rike gheheyte_ lanwart sine_ vorster op sijn lijf / en_ op sijn goet dat hi dat goet voert deyle_ en_ sceyde_ soude nae den recht / en_ met goeder waerheit / ghelijc als hi voer hadde bestaen / alsoe dat dat goet ghedeylt waert / en_ ghesceyden nae den recht ghelijc als tvo_nis hadde ghewijst Jn orconscap deser dinghe voerscreue_ hebbe_ wi onse_ ghemeyne_ Seghel des Scepe_doems van oerscot hier aen doen hanghen . . ghegheue_ in den jaer ons here_ doe men screef dusent drie + hondert vijftich / + en_ ene op sente Marchus dach ewangelists