Corpus Van Reenen-Mulder (CRM14): Oorkonde K687r37601

Wij willem andries zo_ . henric van arle . didderic henrics cro_men zo_ . jorden vranc . jorden van + dier teynden . jan van + der hofstat ende goeswijn van + der meere Scepe_ in oerscot Tughen onder onsen ghemeyne_ zegel Dat voer ons sijn come_ her emont buys en_ her wout_ sijn brueder prissters wilneer roefs kijnder van spoerdonc en_ ke_nen en_ lyen dat si erffeliken vercoft hebben brueder jan van + den Poel tot behoef des goeds~huus va_ Postel Een stuc beems gheleghen tot ellaer in + der p_rochien va_ oerscot gheheiten die cluse~beemt ghelike als hi daer roefs voerscr_ te wesen plach En_ hebben daer helmelinghen op verteghen tot behoef des goeds~huus va_ Postel Oec is brueder jan voers_ in dit voerscr_ stuc beems ghehoeft en_ gheerft tot des goeds~huus behoef va_ postel voerscr_ also als recht is / voert hebben her Emont en_ her wout_ vernoemt gheloeft op hen en_ op hoer goede voer hen en_ voer hoer erfghename_ na hen brueder jan voernoemt tot des goeds~huus behoef voernoemt Dit voerscr_ stuc beems te weren als + me_ erue van recht is sculdich te weren En_ allen voerco_mer daer jnne af te doen sonder ene_ auden groten siaers erffeliken te gelden en_ te betale_ h_en Emont en_ h_en wout_en voerscr_ allen jaer tot alre heyleghen misse Ghegheue_ jnt jaer ons h_en doe + me_ screef Dusent Drie + hondert tseue_tich en_ Sesse opten achtienden dach in julio -