Corpus Van Reenen-Mulder (CRM14): Oorkonde K694r34801

Wi Claus die Smit ende Mathys van + der Over ende Jan Bavelman , scepenen in Alffen , maken cont allen lieden met desen briefve , dat voer ons quam Wouter Heinrijchst sone van Quaelborch , ende liede dat hi hadde vercoft Janne Broch van Bavel twe gulden hellinc oft payment dat daer goet voer is , tot allen daghen in + den lande van Breda erflijcken te gelden op onser vrouwen dach dat men kersen dreet , tot ingaende sporckelle gheleghen , ende Wouter voernoemt heft Jan voernomt al vol~daen , dat hem een land~recht wijsde te doene , ende dese twe voernoemde hellinghe ver~onderpand met tween boenren ende met~ter tymmeringhen die daer op staet tot Came gheleghen neven den Windscoet ; want wi scepenen voernoemt ghene seghele en hebben , soe bidde wi Peteren Sleypstoc ende Heinryc Snellarde , manne des heren van Breda , dat si desen brief beseghelen voer ons . Wi Peter ende Heinryc voernoemt hebben omme beden wille der scepenen ende mede kennissen der warijt beseghelt desen brief met onsen seghelen . Ghescreven in + den jare ons Heren dat mi scrijft dusent drie + hondert ende acht + en + vertijch , op onser vrouwen naevonde dat si op~voer tot den hemele .