Corpus Van Reenen-Mulder (CRM14): Oorkonde K697r36101

Wi Amijs van + der Byest ende Claus Willems , scepene in Beke , tughen onder onsen ghemeinen zeghel , dat voer ons was ghestaen , Jan , soen Claus van Sprewel , ende liede dat hi hadde verchijnst Didderic soen Didderix van Sprewel tfierendeel van enen beemde gheheiten Nicoelcs beempt , ende gheleghen tot Dijssen tusschen die erfenisse Jan Fiirkens ende Gherijts van + der Beke , om enen jaerliken ende erfeliken chijns tventich scellinghe payments ende altoes den voers_ chijns op sente Mertens dach den voers_ Jan te betalen van + den voers_ Didderic ; ende Jan voers_ ghelovede op hem ende op sijn goet den voers_ Didderic die voers_ erfenisse te waren ende alle voercommer af te doen , uutghenomen den chijns des heren van + den gronde . Ghegheven in + den jaer ons Heren dusent drie hondert tsestich ende ene , op sente Mertens dach die bisscop ende confessoris .