Corpus Van Reenen-Mulder (CRM14): Oorkonde K697r36401

Wi Willem van + der Aa ende Gherijt van + den Velde , scepene in Beke , tughen onder onsen ghemeynen zeghel , dat voer ons was ghestaen Aleyt , wijf wilneer Arts van + den Vlede , met haren momboer , die haer ghegheven was met den recht , ende liede dat si vercocht hadde Enghelbernen hare dochter enen beempt , gheheiten Willekens~Vort , ende gheleghen in Dyssen~broec , ende Aleyt met haren momboer voers_ ondervede haer ende ervede Enghelbernen voers_ in + den voers_ beempt als men pleghet ende ghewonleec is ; voerdaen ghelovede Aleyt met haren momboer voers_ op haer ende op haer goet Engelbernen voers_ den voers_ beempt te waren ende alle voercommer af te doen , uutghenomen den chijns tseren van + den gronde . Ghegheven op sente Mathijs avont des aposteles , in jaer ons Heren dusent drie hondert tsestich ende vier .