Corpus Van Reenen-Mulder (CRM14): Oorkonde K715r35001

Wi henric van (onleesbaar) / en_ Ghijsbrecht ghijsbrechts zoen / Scepene_ in myrde maken Cont ene_ ieghelike / dat voer ons was ghestaen / Godeuart van der braken / en_ bekende he_ dat hi hadde vercocht in enen wittighe_ cope / den godshus en_ den meest_e van postele / een mudde Roggen jaerlics en_ erflijcs pachts metter maten van myrde / alle jare op onser vrouwen dach als men kersen dre? te leu_en en_ te betalen van enen huse en_ van ene_ houe m_ sijnre toebehoerte / ghelijc als hi dat v_creghen hadde / tieghen janne van (onleesbaar) en_ tieghe_ gheeuken meisen zoen / en_ in eenren placken leet / en_ he_ godeu_t heet gheloeft op hem en_ op sijn goed den voernoemden goedshuse ende den meest_s van postel / dese voernoemde erfenisse voer den voerghenoemde_ pacht te waren en_ allen and_en Co_mer af te doene / sonder / der chijns die men daer van recht sculdech es af te gheldene jn orconde desen brieue beseghelt m_ onsen ghemeine_ zeghel van myrde jn den jare ons h_en Dusent drie + hondert en_ vijftich viftien + daghe jn wedemaent