Corpus Van Reenen-Mulder (CRM14): Oorkonde K718r35901

Wij rutgheer van + den putte / Aert stemmans . willem gheerwighen . jan truden . Aert oden . jan van + der beerendonc . En_ elyaes van scoteluenne . Scepen in arendonc . Doen cont allen lieden . dat voer ons comen es jn onser jegenwordecheiden . Marselijs mertens van hapaert in sine_ p_peren p_sone / En_ heeft bekent en_ verlijt dat hi wittelike vercocht heeft voer hom en_ voer sijn erfghename . heinrike goes peter goes sone van herentals / Een mudde rogs goet gaue en_ custbaer erfpachts / metter gherechter maten van bladele te leueren en_ te betaelne / Altoes op karsauonde naest toecomende / En_ soe voerdane van jare te jare erffelike en_ emm_mere wittelike te verghildene en_ te betaelne . En_ o_me meer vestinghen den voerghenoemden heinrike hier op te doene Soe heeft he_ merselijs voers_ hier toe gheset en_ verbonde_ tene_ gherechte_ pande en_ onderpande metten vonnisse / ene_ bocht en_ een huus gheleghen in die prochie van bladele voers_ / dat die voerseide marselijs mertens ghecreech en_ cocht jeghen merselijs haghemans welc bocht gheleghen es aen lambrechts erue van loeuen / en_ dat voers_ huus Aen die strate te bladele voernoemt / Ende hier is heinric voers_ toe + comen en_ in gheerft met vonnisse en_ met rechte / behoudeleec iegheliken sine_ rechte / En_ en~gheen poent van rechte hier jnne achter ghelaten / En_ alle arghe~list wtghesproken / Ende de voerghenoemde marselijs heeft gheloeft den voerbenoemde_ heinrike den voerseiden bocht en_ huus te weren en_ alle voerco_mer af te doene wtghenome_ der heren tsijns van + den gronde / en_ een mudde lijfrogghen dat + men gheldende es van + den voers_ huse Romboude lambrecht smoelnere sone van bladele / Jn kennessen der waerheit / en_ omme beden wille van beiden en_ meerre sekernisse alre dinc . Soe hebbe wij scepen van Arendonc voerghenoemt Dese lettere open beseghelt met onsen ghemeinen zeghel ons scependoms / wthanghende . Ghegheuen jnt jaer ons heren ? ? + ? vijftech en_ Neghen / Op sunte Aghten dach jn sporkelle - - -