Corpus Van Reenen-Mulder (CRM14): Oorkonde K718r36501

Wj . Art die ty_merma_ . Ende jhan peters soen van bladele ma_ne onser lieuer gheduchter v_uwen van brabant tughen onder onsen propren seghelen . Dat voer ons is comen broeder jhan van + de_ Poel onder~meester van Postele ende dede hem Richten aen sine_ onder~pande daer hem pachts aen ghebrac van sgoethuys weghen van postele . Ende voer der voert mede alsoe verre dat men dien pant vercocht metten Recht alsoe verre dat Marcelijs van bladel quam ende quijte dien pant in + den Recht . voer . v . mudde rogs erf~pachts . van + den welken hij lijde ende kende dat hi . xxv . lopen erflec sculdich waer te ghelden . Ende dat heinrics erfghename van + den Erttinghen quamen daer nae ende betughden hem seluen aen den heileghen dat heinric haer goede deilden in dier voerwaerden dat heinrics erfghenamen voers_ . xxv . lopen erfs~rogghen ghelden souden den goethuyse van postele van + den voers_ . + v . mudden roghs erf~pacht van + des voers_ heinrics goet van + den Erttinghen was voers_ ende die te leueren op onser v_uwen dach als men kerssen bernt op marcelijs goede voers_ Ende van desen voersprokenen voerwaerden heeft Peter heinrics sone was van + den Erttinghen als erfghename sijns vader was gheloeft voer hem ende voer sijn mede~erfghename te voldoen tot eweliken daghen . . Voert meer is comen jhan die doncker ende heeft gheliet ende ghekent dat hi des vorseide erf~pachts . + x . lopen erflec sculdich is te ghelden op ene_ onderpant die gheheiten is die neder~ecker die gheleghen is after des voers_ marcelijs bocht Ende desen voers_ pacht te leueren ende te betalen opten voers_ pach~dach ende op marcelijs goet voers_ . . Jn ke_nisse deser waerheit soe hebbe wj ma_ne onser lieuer v_uwen van brabant voers_ dit beseghelt met onsen propren seghelen . . Jnt iaer ons heren als men scrijft . Dusent drie + hondert en viue en sestich des ander daghs na sente Matheus Apostel dach . . . -