Corpus Van Reenen-Mulder (CRM14): Oorkonde K720r33901

Wi danel die rademeker willem Simon soen was wouter die Scomeker / didderic van der heiden heinric smeits Godeuart van den bouen~houel en_ jhan gheheiten barts / Scepene in eersele tughen dat voer ons is comen wouter van den bouen~houel en_ heeft gheliet en_ ghekent dat hi vercocht heeft voer ho_ voer sine arfghenamen na ho_ en_ voer sijn nacomelinghe in ene_ erfliken rechte willem die was ? soen van Endouen (onleesbaar) vier mudde goeds roghs mit der gherechter maten van Eersel erflike en_ emmermeer op sinte (onleesbaar) dach / willem voerseit sijne_ erfghenamen na ho_ of sijnen nacomelinghen alle iaer te betalen en_ te ghelden / en_ te heffen en_ (onleesbaar) (onleesbaar) ute den aelinghen goede van bouenhouel mit en jgheliken en_ mit allen sijnen toebehoerten / En_ wouter voerseit heeft willem voerseit jn dat aelinghe goet van bouenhouel met en jgheliken en_ mit allen sijnen toebehoerten doen houen en_ eruen also als ghewoenlike en_ recht is in tijns~goet / voer die voerseide vier mudde rogghen / En_ wouter van den bouenhouel voerseit heft gheloeft op ho_ en_ op alle sijn goet willem voerseit die voerseide vier mudde roghs jn ene_ erfliken recht te weren als men erue sculdich is te weren en_ alle voerco_mer af te doen van dien voerseiden onderpande / Jn welker dinghe ghetuchenisse wi Scepene in eersel bouen ghenoemt hebben onsen ghemeynen seghele ons scependoms van eersel aen dese tieghenwerdighe letteren doen hanghen / Ghegheuen jnt jaer van der gheboert ons heren als men scrijft dusent dri + hondert ende dertich en_ neghen / op den neghenden dach in hoymaent