Corpus Van Reenen-Mulder (CRM14): Oorkonde K720r34702

Wi daniel die Rademeker / willem kerstinen zoe_ / wouter die scomeker / didderic van + der heiden / heynric nyclaus zoe_ / ansom van der houe_ / en_ heynric ? zoe_ / Scepene in Eersel . tughen / en_ doen cont en jgheliken myt kynisse der waerheit dat voer ons come_ is wouter van den broyc gheheite_ die Meyer van wadelre en_ heeft ghekendt en_ gheliet den . . Meester oft den P_uiso__e sgoetshuses van Postel tot behoef sgoetshuses van Postel die visscherie van westerhoue_ / dat is te wetene die_ Molenwijk / en_ den sluyswijke op~waert tot ene_ beemde toe die ghenaemt is wouter erts beemt / myt allen en_ en jegheliken haren toebehoerten / te hebben / te houden en_ te bruke_ . jn welker dync orco_scap hebbe_ wi onsen ghemenen seghel tscependoms van Eersel aen desen tieghewerdighen litt_en doen hanghen Ghegheue_ in den iaer ons h_en gheboert . dusent dri + hondert veirtich en_ seuene op den seuenden dach in wedemaent . .