Corpus Van Reenen-Mulder (CRM14): Oorkonde K720r34801

Wi danel die Rademaker . heinric claus soen van stockloe . heinric smeits . Gheraert lachgaerts . wouter die scoemaker . willem styne_ ende ansem van der hoeuen . . Scepene in Eersel tughen en_ doen Cont allen luden dat comen is in onser tieghewerdicheit . heinric gheheiten nestellaert van westerhoue_ . en_ heeft vercoft in enen erfliken Rechte / den meester / oft den P_uisoere . Sgoetshuys van Postel t˚t behoef . Sgoetshuys van Postel . vijftien lopen goits en_ gheefs rogghen mit der gherechter maten van Eersel alle iaer erflike ende e_mermeer op onser vrouwen misse van haerre Purificatien gheheiten sente marien lichtmisse . te betalen en_ te ghelden . Ende te heffen en_ te boren vut enen stucke lants . gheheiten die heer~strate . in der p_chien van westerhoue_ gheleghen . En_ dat heinric nestellaert voorseit . den voersprokene_ . meester oft den P_uisoere . heeft doen houe_ en_ eruen . in dat voerscreue_ stucke lants mit shoefs hans . t˚t behoefs . Sgoetshuys van postel voerghenoemt . alsoe als ghewoenlijc Rechte is in tsijns~g˚yde . En_ heeft hem voert gheloeft op hom . en_ op alle sijn goit . t˚t behoef Sgoetshuys van postel voerseit . die voersproken vijftien lopen rogghen jaerlijcs pachts te weren . in dat voerghenoemde stucke lants als men Erue mit den Rechte sculdich is te weren . En_ alle voerco_mer af te doen . sonder der h_en tsijns van den gronde . die men daer jaerlijcs na tghelande mit Rechte schuldich cont is te gheldene . Jn welker dyng orconscap hebben wi onsen ghemeinen seghel des Scependoms van Eersel an desen lett_en doen hanghen . Ghegheue_ int iaer ons h_en van sijnre gheboert . als me_ scrijft Dusent . + drie + hondert veirtich en_ achte op den vijrden dach in Mey~maent . . . .