Corpus Van Reenen-Mulder (CRM14): Oorkonde K720r34802

Wi danel die Rademaker . willem styne_ . wouter die scoenmaker . Gheraert lachgaerts . heinric claus soen . heinric smeits . en_ ansem van der houen . . Scepene in Eersel tughen dat voer ons comen is . jhan mathijs soen van l˚mel mit sijne_ vryen wille en_ onbedwonghen . en_ heeft ghegheuen en_ op~ghedraghen . den Meester oft den Prouisoere des goetshuys van Postel t˚t behoef des goetshuys van Postel alle goit eist haue eist Erue . dat hem t˚ebehorende is . eist t˚t ? gheleghen . oft waer en_ onder wat h_en dat gheleghen is en_ alle goit eist haue eist erue . dat hi namaels vercrighen mach . vut~ghenome_ vijftien pont simpel . die hi daer af nemen mach . en_ heren + se na sijne_ vrien wille . En_ dat jhan mathijs soen voerseit heeft verteghen helmelinghe t˚t ewelike_ daghen op dit voerghenoemde goit alincleken en_ altemael . vutghenome_ die vijftien pont voersproken . t˚t behoef des goetshuys van Postel voerghenoemt . jn orconde ons ghemeyns seghels des Scependoms van Eersel an desen lett_en ghehanghe_ . Ghegheuen int iaer ons h_en gheboert . Dusent . + Drie + hondert . + veirtich ende achte . op den vijrden dach in den Meye . . .