Corpus Van Reenen-Mulder (CRM14): Oorkonde K720r34901

Wj danel die Rademeker / gherit lachgharts / godeuart scuusincs zoe_ / heinric smeyts / heinric claus zoen / wout_ hoyfmans zoe_ / en_ arnt die koc / Scepene jn eersel / tughen dat voer ons is come_ / Peter metten zoe_ was van steensel en_ heeft vercocht en_ gheliet en_ gheke_t dat hi vercocht heeft voer hom en_ voer sijn erfghename_ na hom en_ voer sijn nacomeli_ghe / jn ene_ ewelike_ en_ jn ene_ erflike_ recht / heinric steesken sijne_ broeder sijne_ erfghename_ na hom en_ sijne_ nacomeli_ghe / alle_ goyt en_ alle_ Erue dat Pet_ voerseit heeft gheleghe_ jn die prochie va_ steensel / en_ dat hom verstorue_ mach jn die prochie voerseit / En_ Peter voerseit heeft ghehoeft en_ gheerft heinric steeske_ voerseit jn die_ voersp_ke_ Erue als me_ sculdich is te doen jn tsijns~goyt / jn Orconscap deser dinghe ?ebben wj dese lett_en beseghelt met onsen ghemeynen seghel des Scependoms va_ Eersel / ghegheue_ jnt ?er ons h_en / Dusent / + drie + hondert / + veirtich en_ neghe_ op den vierden dach jn wedemaent -