Corpus Van Reenen-Mulder (CRM14): Oorkonde K720r34902

Wj danel die Rademeker / gherit lachgharts / godeuart scuusincs zoen / heinric smeyts / heinric claus zoen / wout_ hoyfmans zoe_ / En_ arnt die koc / Scepene jn Eersel / tughen dat voer ons is come_ / wouter van den boeuenhoeuel / en_ heeft vercocht en_ gheliet dat hi vercocht heeft voer hom en_ voer sijn erfghename_ na hom en_ voer sijn nacomelinghe jn ene_ eweliken recht / heinric van stocloe sijne_ erfghenamen na hom en_ sijne_ nacomelinghe / alle_ goet eist Erue eist haue / dat wout_ voerseit hadde gheleghen jn die prochghie va_ Eersel / en_ jn die prochghie van Eycke / En_ wout_ voerseit heeft vertheghen op dit voersp_ken goet eist Erue eist haue / tot heinrics behoef voerseit / jn Orconscap deser dinghe hebben wj dese litt_en beseghelt met onsen ghemeynen seghel / des Scependoms van Eersel / ghegheue_ jnt jaer ons h_en / Dusent / + dri + hondert / + veirtich ende neghen / op den tiende_ dach jn Oychst~maent -