Corpus Van Reenen-Mulder (CRM14): Oorkonde K720r35201

Wi danel die rademaker / gherart lachgards / Godeuart scuensincs / hein nyclaus zoen / heinric nouts heinric dyonijs zoen was / En_ heinric die win Scepene in Eersel tughe_ onder onse_ ghemeyne_ Seghel dat voer ons come_ is ihan godeuards zoen was van den bo˚en~hoeuel / en_ heeft erfelike vercoft voer hom / en_ voer sijn erfghename_ nae hom / didderike heinrics zoene van tuernout / gh? van retye_ / tot sijne_ behoef / en_ sijnre erfghename_ nae hom / Een mudde goeds rogghe_ en_ gheefs iaerlijcs erf~pachts / alle iaer erfelike / en_ o_mermeer op kersauont te ghelde_ / en_ te betale_ met der gherechter mate_ van eersel En_ te heffe_ en_ te boere_ / vte ene_ beemde met sine_ toebehoerte_ gheleghe_ aen th?ys ter haghe_ streckende aen peters putte / met eenre side_ / vte der helfte va_ ene_ bochte met sine_ toebehoerte_ gheheyte_ die haghe~ecker / wellic voerscreue_ helfte gheleghe_ is op die side ter kerke_ waert van eersel En_ vte tween loepen saet~lands dat des voerseyde iha_s is als hi seyde / daer een woch doer gheet / gheleghe_ aen den badeloghen grase een yeghelijc en_ al gheleghe_ in der prochghien van eersel / En_ dat ihan voers_ den voerseyde_ didderic heeft doen houe_ en_ erue_ in dat voerscreue_ erue / als ghewoenlijc en_ recht is in tijns~goet / En_ dat die selue ihan heeft gheloeft op hom / en_ op sijn goet / didderike voers_ en_ sine_ erfghename_ nae hom / dat voerseyde mudde rogghe_ syaers te were_ in al dit voerscreue_ erue met sine_ toebehoerte_ / als men erue met recht sculdich is te were_ / En_ alle voerco_mer af te doen / sonder der here_ tijns van den gronde / Ghegheue_ in den iaer ons here_ / als vijftich men screef / Dusent / + drie + hondert en_ twe / op den yerste_ dach van Meye~maent .