Corpus Van Reenen-Mulder (CRM14): Oorkonde K720r35502

Wi Godeuart scuensincs godeuart scedekens Symoen daneels zoen willem luten / bartolomeus hoyfmans wouter hoyfmans / En_ lodewijch van den boeuen~hoeuel Scepene in Eersel tughen onder onsen ghemeyne_ Seghel dat voer ons comen is ihan heinrics gheheyten brunigs zoen en_ heeft erfelike vercoft voer hom en_ voer sijn erfghename_ nae hom willem librechts zoen van lumel tot behoef des goeds~huys van postel Een mudde goeds rogghen / en_ gheefs syaers / alle iaer erfelike / en_ e_mermere op onser vrouwen lichtmis als men kersen bornt / te ghelden / en_ te betalen / met der gherechter maten van eersel / En_ te heffen en_ te boeren / vte ene_ bocht met sine_ toebehoerten / die ihan voerseyt verkreghen hadde / teghen sijn nichten jacops gheheyten coppen dochteren als hi seyde / gheleghen bi willem luten erue van eenre siden vte ene_ stucke lands / aen heinrics swinnen erue gheleghen / van eenre siden / En_ aen katherinen claus erue van der anderre siden En_ vte den vierden deel van ene_ stucke lands gheheyten die scadewiker~ecker die ihans gheheyten baerds te wesen plach / als hi seyde / een yeghelijc / en_ al gheleghen in der prochchie_ van eersel En_ dat ihan voerseyt heeft gheloeft op hom / en_ op sijn goet / den voerseyden willem tot behoef des voerseyde goeds~huys van postel / dit mudde rogghen syaers voerseyt / in al dit voerscreue_ erue te weren / als men erue met recht sculdich is te weren En_ alle voerco_mer af te doen sonder der heren tsijns van den gronde / Ghegheue_ in den iaer ons heren / als men screef Dusent drie + hondert vijftich en_ viue op den ? dach in aprille