Lijst

Corpus Van Reenen-Mulder (CRM14): Oorkonde K720r35503

Eersel of omgeving, 1355

Wij Symon danels soen / heinric steenvoert / heinr_ claus soe_ / dideric die moller / jan va_ stoclo . Steve_ moleman / en_ jan marselijs soe_ was / Scepene in Eersel / tughen onser onse ghemeyne_ seghel / dat voer ons coeme_ is / jan gherarts soen was van + den kerchoue / ende heeft die selue / vijftien loepen rogghen siaers / der maten va_ Eersel / die hie jaerlijcs op ons_ vrouwen dach lichtmisse als + me_ kersen bornt gheldende hadde / vte ene_ beemde met sine_ tobehoere_ geheiten die hoerne~beempt / die des vorg_ ja_s te + wesen plach / ghelegen in + der p_chie va_ westerhoue_ an boudewijns kisten erue met eenre siden / en_ an diderics berchma_s erue mett_ and_re siden / Ende vte ene_ stucke la_ts ghenoe_t voer derde + half loepe_ saeds~la_ts / dat des vors_ ja_s te + wesen plach / gheleg_ acht_ loener~bossche in + d_ p_chie vorscr_ Met allen rechten / vorwarde_ / en_ brieue_ / daer hie die mede hadde / opghedragen erfleken en_ ou_ghegeue_ / voer he_ / ende voer sine_ erfgh_ame_ na he_ / heinrike geheiten die wolf van steensel / tot behoef / des Goetshuys va_ postel / Ende dat die vors_ jan gherarts soe_ was / helmeli_ge op die vors_ vijftien loepe_ rog_ siaers / op allen vorwarde_ / en_ b_euen / die hie daer af hadde heeft v_teghen tot behoef des Goetshuys van postel vorscr_ Gegheue_ int iaer ons h_en gheboert / dusent / + drie + hond_t / + tsestich / + en_ neghen / op sente Matheus avo_t apostels