Corpus Van Reenen-Mulder (CRM14): Oorkonde K720r35802

Wi Symon danels zoen / heinric steenvort / Godeuart scedekijn / wille_ scordels / dyde_ic die moller . wouter die hans? en_ Lodewijch jhans pels swagh_ de_ dewijc / Scepene in Eersel / tughen ond_ onse ghemeynen Seghel / dat vor ons is come_ jhan barbier gheheten va_ eyke / en_ heeft erflijc v_cocht / vor he_ en_ vor sine_ erfgh_ame_ nae he_ Godeuerden van peelt van (onleesbaar) van eyke en_ sine_ erfgh_ame_ nae he_ / Die beteringhe va_ enen beemde / die gheleghe_ is jn + d_ p_chien va_ eyke tuschen der moelen en_ dyde_ics (onleesbaar) huys / dat hie beter is dan een Mudde rogghen dat + me_ jaerlijcs daer vut gheldende is (onleesbaar) (onleesbaar) der h_en tsijns van + de_ g_nde En_ dat Godeuart vors_ te here . en_ te hoeue is ghedaen als rechte en_ ghewoenlijc is in tsijns~ghoet / En_ dat jhan barbier vors_ gheloeft heeft op he_ en_ op sijn Goet / Godeuarden van peelt vors_ en_ sine_ erfgh_ame_ nae he_ dese (onleesbaar) beteringhe te + weren als + me_ erue sculdich is te + w_en / en_ alle vorco_mer af + te + doen Ghegheue_ jnt jaer ons h_en Dusentich / + Driehondertich / + vijftich en_ achte / den zeste daghes in wedemaent . .