Corpus Van Reenen-Mulder (CRM14): Oorkonde K720r36401

Wij Symon danels zoen / heinric steenvoert / willem scordels / dyderic die moller / wout_ die hanscomeker ghodeuart scedeken / ende jhan van stocloe / Scepene in Eersel tughen ond_ onse ghemeynen seghel / dat voer ons sijn comen / heilwijch dyderics hammans wijf was van Eersel / die docht_ ghe?s was van steensel met ho_en mombaer jhan en_ dyderic ho_e kijnd_e ende hebben die beteringhe van Enen beemde gheheiten die scoet met sine_ tobehorten ghelegen in + d_ prochien van eersel aen erue shertoghen van brabant dat Elsbene shauegreue wijf was haudende is met eenre siden / en_ aen ihans erue van stocloe mett_ anderre siden / Ende die beteringhe van Ene_ huyse en_ hoeue met sine_ tobehorte_ dat der vors_ heylwighen (onleesbaar) dyderics hoers mans was te + wesen plach ghelegen in + d_ prochien vorscr_ / aen des vors_ ihans erue van stocloe metten eynde / en_ aen die strate die daer neven van beyden siden lidende is / dat is te + weten dat die vors_ erfenissen bet_ sijn dan twee mudde rogghen syaers / dan Een pont payments syaers . dat (onleesbaar) den heileghen gheeste van Eersel / jaerlijcs vte den broeke van den vors_ erfenissen gheldende is (onleesbaar) dan der h_en tsijns van den gronde / vercocht erfeleken ghesamender hant voer hon en_ voer ho_en erfghename_ nae hon / Gheertruden wout_s (onleesbaar) oelborrers docht_ was van lyemde en_ wout_en ho_en zoen en_ ho_en erfghename_ na hon / En_ dat gheertrude en_ wout_e ho_e zoene te + h_e en_ te + hoeue sijn ghedaen als recht en_ ghewoenlijc is in tsijns~goet / Ende dat heilwijch met ho_en vorscr_ momboer / jhan ende dideric ho_e soene vorscr_ hebben gheloeft ghesamender hant ende onghesceiden op hon / ende op hoere goet der vors_ Geertruden ende wout_e ho_en soene vorscr_ en_ ho_en erfghename_ nae hon die vors_ beteringhen van + den voers_ beemde met sine_ tobehorte_ / en_ die vors_ beteringhe van den huyse / en_ van den hoeue vorscr_ met sinen tobehorten te + w_en / als + men erue sculdich is te + w_en en_ alle vorkommer af + te + doen Ghegeue_ int Jaer ons h_en / Dusent / + drie + hond_t / + tsestich en_ vier op den and_en dach na sente Mathijs dach .