Corpus Van Reenen-Mulder (CRM14): Oorkonde K720r36501

Wij Symon danels zoen / Heinric steenvoert / willem scordels / Dyderic die moller / wout_ die hanscomeker Ghodeu_t scedeken / ende jhan van stocloe / Scepenen in Eersel tughen ond_ onse ghemeynen seghel / dat voer ons comen is / Dyderic ards zoen was van + den Eechoeue van herentals / Ende heeft alle die selue Erfenissen met ho_en tobehorten / die hi van dyderike gheheiten creyte van loen / ende van Margriete sinen wiue gheheiten v_en jueten vercreghen heeft / die dyderic creyte / ende margriete vorscr_ in + d_ prochien van loen / ende in + d_ dinghebanc van eersel ligghende hadden in diepen / oft in droghen / gh? te (onleesbaar) dyderike creyte en_ Margrieten sinen wiue vorscr_ alsoe langhe als sie leuen soelen en_ nijt lang_ alle jaer omme Sesse Mudde goets en_ gheefs rogghen der gherecht_ maten van Eersel op Ons_ vrouwen dach lichtmisse / als + men kersen bornt / Ende alle jaer omme die wolle van vijftich hoet~scapen te ghelden / ende te betalen / Ende dat die vors_ dideric ards zoen was / heeft gheloeft op hem / ende op sijn goet / Dyderic creyte ende Margriete vorscr_ alle die vors_ Erfenissen met ho_en tobehorten / te + w_en / ouer dien vors_ pachte syaers / ende ou_ die vors_ wolle syaers / van + den vors_ vijftich hoet~scapen / alsoe langhe als dyderic creyte / ende Margriete vorscr_ leuen soelen / ende nijt lang_ / Ende dat vorwarde is / als die een / van dyderic creyte ? van margrieten vorscr_ van + den leuen tott_ doet is comen / dat dan die ghene die te liue is bleuen / die vors_ erfenissen met ho_en tobehorten / hebben en_ behaude_ sal (onleesbaar) dach ou_ den vors_ pacht / en_ die vors_ wolle syaers / in alle dire ghevoeghen / en_ maniren / dat sie beide die erfenisse vorscr_ ghenomen hebben ghelijt dat vorscr_ is / Ghegeuen int jaer ons heren Dusent drie + hond_t / + tsestich / + ende viue / op den sestiensten dach in januario . .