Corpus Van Reenen-Mulder (CRM14): Oorkonde K720r36502

Wij Symon danels zoen / heinric steenvoert / willem scordels / Dyderic die moller / wout_ die hanscomaker / Ghodeu_t scedeken / ende jhan van stocloe Scepene in Eersel tughen ond_ onse ghemeynen seghel / dat voer ons sijn comen / + Dyderic gheheiten creyte van loen / ende Margriete sijn wijf gheheiten v_en jueten met ho_en momboer / Ende hebben alle hoer Erfenissen met ho_en tobehorten / die si in + d_ prochien van loen / en_ in + d_ dinghebanc van eersel ligghende hebben in diepen oft in droghen / Opghedraghen erfeleken en_ ghegeuen / voer hon en_ voer ho_en erfghenamen na hon / Dyderike zoen ards was van + den eechoue van herentals tot sine_ behoef en_ sire erfghenamen na hem / Ende dat dyderic en_ Margriete met ho_en momboer / hebben op alle die vors_ erfenissen met ho_en tobehorten helmelinge v_teghen tot behoef / dyderics ards zoen was vorghenoemt / en_ sire erfgh_amen na hem / Ghegeuen int jaer ons heren . Dusent drie + hondert tsestich / + ende viue op den veertienste_ dach in januario . .