Corpus Van Reenen-Mulder (CRM14): Oorkonde K720r36802

Wij Symon danels soen / Heinric steenvort / Heinric claus soen / Didderic die moller / Jan van stocloe / Steven moleman / en_ Jan marselijs soen was / Scepene in Eersel / tughen onder Onse ghemeynen Seghel / dat voer ons sijn comen / Didderic didderics creyten zoen van loen / en_ Elisabet sijn wijf / docht_ was ards didderics va_ h_entals / Ende hebben alle Recht / voerwarden / en_ brieuen die sie hebben van didderics creyten Goede van loen / hoe / oft in welken manieren dat sie dat vors_ recht / en_ die brieue daer op sprekende v_creghen hebben / Opghedragen erfleken / en_ ou_ghegeuen ghesamender hant en_ onsghesceiden / voer hon / en_ voer ho_en erfghenamen nae hon / h_en andries geheiten van Rypemont hoghe~Meester des Goetshuys van postel tot behoef des goetshuys van postel vorscr_ / Ende dat die vors_ didderic didderics creyten soen / en_ Elisabet sijn wijf vors_ hebben op dat vorseide Recht / op alle vorwarden / ende brieuen / die sie hadden van + den vors_ Goede / helmelinghe v_teghen tot behoef des vorseide goetshuys van postel / Ghegeuen int jaer ons h_en gheboert / Dusent / + drie + hondert / + tsestich / + en_ acht / opten sesten dach nae sente bartholomeus dach apostels . .