Corpus Van Reenen-Mulder (CRM14): Oorkonde K720r36803

. . Wij Symon danels soen . heinric steenvoert heinric claus soen didderic die moller jan van stocloe Steven moleman en_ jan marselijs soen was / Scepene in Eersel / tughen onder onse ghemeynen Seghel dat vor ons comen is heinric geheiten die hertoge van waelwijc / zoen Elysabetten was van + der teynden heeft Sijn kijns~deel ende alle Recht dat hie heeft oft hebben mach aen den Goede met allen sine_ tobehorten dat zijns vaders en_ sire moeder te + wesen plach / ghelegen tot waelwijc in + der p_chien van Rijthouen oft waer dat ghelegen is Opghedragen erfeleken / en_ ouerghegeue_ met shoues hant voer hem en_ vor sinen erfghenamen nae hem / h_en Andries geheiten van Rypemont hoege~Meester des Goetshuys van Postel tot behoef des Goetshuys van postel vorscr_ / Ende dat heinric vors_ helmelinghen op dat vorseide kijns~deel en_ op alle Recht dat hie daer aen heeft oft hebben mach / heeft verteghen tot behoef des Goetshuys van postel vorscreuen . Ghegeuen int jaer ons h_en gheboert Dusent Drie + hond_t / + tsestich en_ acht op sente bartholomeus dach apostels . .