Corpus Van Reenen-Mulder (CRM14): Oorkonde K720r37001

Wij Symon danels soe_ was / heinric steenvoert / heinr_ claus soe_ / dideric die moller / jan van stoclo / Steven molema_ ende jan marselijs soe_ was Scepene in Eersel tughen onder onse ghemeyne_ seghel dat voer ons come_ is willem lyppen soe_ was va_ l˚mel ende heeft dat selue Mudde roggen Syaers erfs~pachts der maten va_ eersel dat hie yaerlijcs op sente Mertens dach in + den wynt_e geldende hadde vte ene_ huyse ende hoeue met allen ho_en tobehorten dat wouters scuddekens svollers is ghelege_ in + d_ p_chie van eersel En_ vte alsolken erfenysse eest lant eest bee_pt als die vors_ wout_ die voller liggende heeft aen beyen siden van + den vors_ huyse en_ hoeue Met allen rechten vorwarden / en_ brieue_ daer hie dat vors_ Mudde rog_ syaers tegen de_ vors_ wout_e mede v_cregen hadde Op,ghedragen erfleken en_ ou_ghegeue_ in rechter wisselinge Marselies marselijs soe_ was va_ bladel tot sine_ behoef en_ sire erfgh_amen na he_ o_me erue dat die vors_ marselius liggende hadde in bladel als sie seiden / Ende dat die vors_ willem helmeli_ge op dat vors_ Mudde rog_ siaers / op allen vorwarden en_ b_euen die hie daer af hadde heeft v_teghen tot behoef Marselies vorscr_ en_ sire erfg_ame_ na he_ Gegheuen int iaer ons h_en gheboert / duse_t drie + hondert ende tseuentich op den Sestienden dach in Nouembri . .