Corpus Van Reenen-Mulder (CRM14): Oorkonde K720r37101

Wij Symon danels soe_ was / heinric steenvoert / willem scordels / dideric die moller / Steven molema_ / ende / jan marselijs soe_ was / scepene in Eersel / tughen onder onse ghemeyne_ segel dat voer ons comen is / jan geheiten van stoclo onse mede~scepen / ende heeft alle Recht dat hie hadde / oft hebbe_ mochte / aen die beteringhe van ene_ beemde geheite_ die (onleesbaar) met sine_ tobehorte_ / ghelege_ in + d_ p_chie va_ eersel / aen erue shertogen va_ braba_t dat Elsbene shangreuen wijf was dende is met eenre side_ ende aen des vors_ jans erue va_ stoclo mett_ and_re siden / Ende alle Recht dat hie hadde aen die beteringhe va_ ene_ huyse en_ hoeue met sine_ tobehorte_ / dat diderics hamma_s en_ heilwigen sijs wijfs te + wese_ plach gelege_ ind_ p_chie vorscr_ aen des vors_ jans erue va_ stoclo metten einde / en_ aen die strate / dat js te + wete_ / dat die vors_ erfenissen beter sij dan twee mudde rog_ siaers / van een pont payme_ts siaers / dat + me_ den heileghen gheeste va_ eersel vte den broeke van + de_ vors_ erfenissen gheldende is / en_ van der h_en + tsij_s van + den gronde / Met alsolken vorwarden en_ brieue_ als hie daer op sprekende hadde / Opghedragen erfeleken / en_ ou_ghegeue_ / broeder . . ja_ne geheiten van + den poele / onderMeester tgoetshuys van postel / tot behoef des vors_ Goetshuys va_ postel / En_ heeft helmeli_ge daer op v_tegen tot behoef tgoetshuys vorscr_ Ende dat die vors_ jan van stoclo gheloeft heeft op hem / en_ op Siin goet / dat vors_ opdragen / en_ dat vertien ewelijc vast / ende ghestendich te hauden / Gegheuen int iaer ons h_en gheboert / dusent / + drie + hond_t tseuentich en_ een op den and_en dach na sente bertholomeus dach apostels . .