Corpus Van Reenen-Mulder (CRM14): Oorkonde K720r37202

Wij Symon danels zoe_ was / heinric steenvoert willem scordels / Dideric die moller / jan va_ stoclo / Steven moleman / ende jan marselijs zoe_ was / scepene in Eersel tughen onder onse ghemeynen seghel dat voer ons come_ is / herman yden zoe_ was va_ bladele / Ende heeft Een half Mudde rogghen syaers erfs~pachts der gerecht_ maten va_ eersel dat hie jaerlijcs op ons_ vrouwe_ dach lichtmisse als + me_ kersen bornt gheldende hadde vte ene_ stucke beemps met sine_ tobehorte_ dat ja_ne ihans zoe_ was va_ haparde tobeho_ende is ghelege_ in der p_chie van haparde aen ene_ hof die beho_ende is totten goede tgoetshuys va_ tong_loe metten eynde aen dat half waterlate dat daer aen lopende is met eenre siden / en_ aen iha_s stekarts mett_ and_re siden / Ende vte ene_ stucsken beemps dat ghelegen is aen die ander side van + den vors_ wat_late streckende va_ ene_ pale die staende is tusschen des vors_ jans erue iha_s zoe_ was va_ hap_de / en_ tusschen dat vors_ stucsken bee_ps aen een hangende eycsken tot ene_ and_en pale toe die staende is tusschen des vors_ jans erue iha_s zoe_ was van hap_de ende tussche_ tgoetshuys erue va_ tong_loe aen dat bachuys dat beho_ende is totten vors_ goede va_ tong_loe / Met alle_ rechten / vorwarden / en_ brieue_ daer herman vorscr_ dat vors_ half Mudde rog_ syaers teghen de vorseide ja_ne ihans zoe_ was va_ hap_de mede vercreghen hadde / Opghedragen erfleke_ / ende ouerghegeue_ voer hem en_ voer sine_ erfghename_ na he_ broeder . . janne geheite_ van + de_ poele / OnderMeester tgoetshuys va_ Postel tot behoef des vors_ goetshuys va_ postel Ende heeft helmeli_ge daer op v_tegen tot behoef des goetshuys vorscr_ / Ende dat die vors_ herman gheloeft heeft op hem en_ op sij_ goet dat vors_ Opdraghen en_ dat vertien ewelijc vast ende ghestendich te hauden / Gegheue_ int jaer o_s h_en gheboert / Dusent / + drie + hondert tseuentich ende twe op den derden dach in Meerte . .