Corpus Van Reenen-Mulder (CRM14): Oorkonde K720r37203

Wij Symon danels zoen was / heinr_ steenvoert / willem scordels / dideric die moller / jan van stoclo / Steven moleman / ende jan marselijs zoen was / Scepene in Eersel tugen onder onse ghemeyne_ segel / dat voer ons siin comen / Marselius marselijs zoen was van bladel / en_ Marselius siin zoen / Ende hebben dat Mudde rogghen Syaers / Erfs~pachts der gherecht_ mate_ va_ eersel dat + me_ den vors_ Marselise op sente Mertens dach in + den wint_e te + gelden plach vte ene_ huyse en_ hoeue met ho_en tobehoerten dat wouters scuddekens svollers is gelegen in + der p_chie van eersel / Ende vte alsolken erfenissen / eest la_t / eest bee_pt / als die vors_ wout_ die volre liggende heeft aen beyden siden van + den vors_ huyse en_ hoeue / Met allen rechten vorwarde_ en_ b_euen / daer Marselius marselijs zoe_ was va_ bladel vorscr_ dat vors_ Mudde rog_ Syaers tegen willem lyppen zoe_ was va_ l˚mel mede v_cregen hadde / Opghedragen erfleken en_ Ou_ghegeue_ met shoues hant voer hon / en_ voer ho_en erfghenamen na hon / broeder . . ja_ne geheiten van + den poel / OnderMeester des goetshuys van Postel tot behoef des vors_ goetshuys va_ postel / en_ hebben helmeli_ge daer op v_tegen tot behoef des goetshuys vorscr_ / En_ dat die vors_ Marselius / en_ Marselius sij_ zoen / hebbe_ geloeft / op hon / en_ op hoere goet / dat vors_ opdragen / en_ dat v_tien eweleken vast en_ gestendich te hauden / ende alle vorco_mer af + te + doen die sie op dat vors_ Mudde rog_ Syaers ghemaect hebben / Gegheuen int yaer o_s h_en gheboert / Dusent / + drie + hondert / + tseuentich ende twe / op den tyensten dach in julio . .