Corpus Van Reenen-Mulder (CRM14): Oorkonde K720r37204

. . Wij Symon danels zoen was heinr_ steenvoert willem scordels dyderic die moller / jan van stoclo / steven molema_ ende jan marcelijs zoen was scepene in Eersel tughen onder onse ghemeyne_ seghel dat voer ons comen is heinric geheiten die hertoghe van waelwijc / zoen elysabetten was van + der + teynden ende heeft alle goet eest erue oft haue / dat hem va_ heibergen sire suster bleuen en_ verstoruen is war dat ghelegen is / Opghedragen erfeleken en_ ghegeuen met shoues hant voer he_ ende voer sine_ erfg_ame_ na hem / broeder . . janne geheiten van + den poel ondermeester des goetshuys van postel / tot behoef des vors_ goetshuys van postel ende heeft helmelinge daer op v_tegen tot behoef des goetshuys vorscr_ En_ dat die vors_ heinr_ die hertoghe heeft gheloeft op hem / en_ op Sij_ goet / dat vors_ opdragen / en_ dat v_tien ewelijc vast en_ ghestendich te + hauden / Gegheue_ int yaer ons heren gheboert Dusent drie + hondert tseuentich / + ende twe / op den Een ende twentichsten dach in julio