Corpus Van Reenen-Mulder (CRM14): Oorkonde K720r37801

Wi Symon danels zoe_ was / Heinrijc steenvoert / diderijc die moeleer / Steven moeleman / jan marcelijs zoe_ was jan goodeuarts zoe_ van + der heeze / en_ Heinrijc die win / Scepene i_ Eersel tughen onder onse_ ghemeyne_ zeghel dat voer ons coeme_ is jan heinrijcs gheheyte_ coekelards zoe_ was va_ berct lide en_ kende dat hi vercocht heeft voer hom en_ voer sine_ erfghename_ na hom / ja_ne wine_ zoe_ was van + de_ wedebosch tot sine_ behoef en_ sijnre erfg_ame_ na hom / een mudde goeds en_ gheefs rogghe_ syaers erfs~pachts alle jaer tot Corsauonde te + ghelde_ en_ te + betale_ m_t__ gherecht_ maten va_ Eersel / te + heffen en_ te + bo_en vten ghelaghe m_t__ tymeringhe_ daer op staende en_ m_ sine_ toebehoerte_ / dat ja_ne heinrijcs zoe_ was gheheite_ coekelarts voersc_ toebeho_ende is / gheleg_ in + der p_chien van Eyke aen die ghemeynt m_ eenre ziden en_ aen Elen muysters erue gheheyte_ die Eyken~hoeuel m_ter and_re zide_ / en_ dat + die selue jan heinrijcs gheheyte_ coekelards zoe_ lide en_ kende dat hi ja_ne wine_ zoe_ voergh_oemt heeft doen hoeue_ en_ erue_ in + die erfenisse voersc_ als ghewoenleec en_ recht is / En_ dat + die voersc_ jan heinrijcs zoe_ gheheyten coekelarts gheloeft heeft ja_ne wine_ zoe_ voergh_oemt dat voers_ mudde rogghe_ syaers in + de_ voersc_ onderpande te + w_en als + me_ erue sculdich is te + w_en en_ alle voerco_mer af + te + doen zonder der heren tsijns van + de_ gronde Ghegheue_ int jaer ons h_en gheboert dusent drie + hondert + tsoeuentich + en_ acht op + den viue en_ twentichsten dach in Octobri . . -