Corpus Van Reenen-Mulder (CRM14): Oorkonde K720r37802

Wi Symon danels zoe_ was / heinrijc steenvoert / diderijc die moeleer / steven moeleman / jan marcelijs zoe_ was / jan goedeuarts zoe_ van + der heeze / en_ heinrijc die win / Scepene in Eersel / tughen onder onse_ ghemeyne_ zeghel dat voer ons coeme_ is / Vranke van + der heeze gheheiten vten huls / lide en_ kende dat hi sculdich is voer hoem en_ voer sine_ erfghename_ na hom / Heren andriese va_ Ripemont ouer~meest_ sgoets~huys va_ Postel en_ broeder ja_ne gheheyten van + den poel ondermeest_ sgoets~huys voers_ tot behoef sgoets~huys va_ Postel voergh_oemt achtyen loepen goets en_ gheefs rogghe_ syaers erfs~pachts / erfeleec alle jaer en_ e_mermeer op onser vrouwe_ dach als + men kersen bornt te + ghelden en_ te + betale_ m_t__ gherecht_ maten va_ Eersel / te + heffen en_ te + boeren vten erfenisse_ nabeschreue_ dats te + weten vten vierden deel va_ ene_ stuc lands gheheyten die swerten~ecker gheleghe_ aen peters heinkens moelen~bocht m_ eenre ziden / en_ aen vranken erue gheheyten vten huls m_t__ anderre zide_ / jt_ vter helft va_ enen stuc lands gheheyte_ die hofstat gheleghe_ aen Margrieten kijnder va_ + der speeghelt heydebocht m_t__ eenre zide_ / en_ aen + de_ wech die van + der heeze tot steensel waert lidende is m_t__ anderre ziden / jt_ vut ene_ loepen ssaet~lands va_ ene_ ecker gheheyten die (onleesbaar) gheleghe_ aen + den wech voers_ m_te_ ene_ eynde / en_ aen jans gherarts zoens erue was m_te_ and_en eynde / jt_ vut ene_ stuc lands gheheyte_ die machghiels~ecker / gheleg_ aen + die rijt m_t__ eenre ziden / en_ aen vranke_ nouds bocht m_t__ anderre ziden / jt_ vut ene_ stuc lands gheheyte_ die rijt~ecker gheleghe_ aen willems scordels kijnder erue m_t__ eenre ziden en_ aen jans nouds erue m_t__ anderre ziden jt_ vut ene_ stuc lands gheheyte_ die groot~bosch gheleg_ aen margrieten kijnder erue van + der speghelt voers_ m_t__ eenre zide_ / en_ aen nouds kijnder erue m_t__ anderre ziden / jt_ vten vierden deel va_ ene_ stuc lands gheheyte_ die cleyne_~bosch / gheleg_ aen arnds weyns kijnder erue m_ eenre zide_ en_ aen vranken erue vten huls voers_ m_t__ anderre ziden / ghelijc als die voersc_ erfenisse_ jans jans zoens was gheheyte_ hauicke_~bec te + wesen plaghe_ / in + den p_chien van Eersel och van steensel gheleghe_ welc erfenisse_ vranke vten huls voersc_ teghen h_en andriese en_ broeder ja_ne van + den poel voergh_oemt / ou_ die voersc_ achtyen loepe_ rogg_ syaers erfeleec te + pacht heeft ghenoeme_ en_ verteghe_ En_ om meerre zekerheyt te + hebbe_ / so heeft vranke voers_ die helft va_ ene_ stuc lands gheheyte_ die cleine_~bosch / hom toebeho_ende / gheleg_ in + der p_chien va_ eersel voers_ aen nouds kijnder erue voersc_ m_t__ eenre ziden / tonderpande gheset in + die voersc_ achtyen loepe_ rogg_ syaers ghelijc den erfenisse_ voersc_ en_ dat + die selue vranke gheloeft heeft h_en andriese en_ broeder ja_ne voergh_oemt / die helft van + den stuc lands voersc_ gheheyten die cleynen~bosch jn + die voers_ achtyen loepe_ rogg_ syaers / ghelijc den erfenisse_ voersc_ / tot behoef sgoets~huys van postel tonderpande te w_en als + men erue sculdich is te + w_en / en_ alle voerco_mer af + te + doen / zonder der heren tsijns van + de_ gronde / Ghegheue_ int jaer ons heren gheboert Dusent drie + hondert tsoeuentich en_ acht / op + den zesten dach in Octobri . . -