Corpus Van Reenen-Mulder (CRM14): Oorkonde K720r38901

Wij Claus van parweys Didderic die molneer wouter wellens jan henrics smeets soen was jan danen soen was jan hoeuema? en_ willem willems scordels soen was scepen_ in eersel tughen onder onsen ghemeynen seghelle dat voer ons comen is ghijsbrec? die smet des oude jans smeets soen was van eersel en_ heeft met scepen_~brieuen en_ met tshoefs hant / opghedraghen erfeliken en_ ouerghegheuen voer hom en_ voer sijn erfghenamen nae hem jannen van + den spyker / henrics soen was van + den spyker tot sinen behoef / en_ tot behoef sijnre erfghenamen nae hem alsulken twee mudde rogghen siaers erfs~pachs / als henric jans soen van bruysel / soen henrics scotten gheldende hadde jaerlijcs en_ erfeliken op onser vrouwen dach lichtmisse als men kerssen bornt aen henriken Claus soen van stocloe vut enen stucke lands met sinen toebehoerten gheheyten die wintermans~hof gheleghen in die prochie van eersel aen des voers_ henrics claus soens erue met eenre siden / en_ aen jacobs erue van + de_ heynshoeuel metter andere siden / en_ vut enen erfenisse met allen sinen toebehoerten eest landt eest ven dat gheheyten is dat wintermans~ven gheleghen in die prochie van eersel voers_ aen didden kathelinen erue met eenre siden / en_ aen des voers_ henrics claus soens erue metter and_e siden ghelijc dat die scepen~brieue volcomeliken in~houden en_ begripen die daer op ghemaect sijn En_ dat ghijsbrecht die smeet voers_ halmelinghen verteghen heeft / op dese voers_ twee mudden rogghen siaers erfs~pachs tot behoef jans van + den spyker voers_ en_ sijnre erfghenamen nae hom en_ heeft mede gheloeft op hom en_ op sijn goet voer hom en_ voer sijn erfghenamen nae hom jannen van + den spyker voers_ en_ sinen erfghenamen nae hom dat voers_ opdraghen ouergheuen en_ vertien vast en_ stedich te houden tot ewighen daghen en_ allen voerco_mer daer inne af te doen sonder enich weder~segghen / ghegheuen jnt jaer ons h_en doen men scre?f Dusent / + Drie + hondert tachte_tich en_ neghen op den tienden dach in februa_io