Corpus Van Reenen-Mulder (CRM14): Oorkonde K720r39001

Wij Claus van p_weys jan Marselijs soen was wouter wellens jan henr_ smeets soen was arnt loys jan hoeueman en_ willem willems scordels soen was scepen_ in eersel tughen onder onsen ghemeynen seghelle dat voer ons come_ is jan buschman van deschel kende en_ lide dat hi gheloeft heeft en_ erfeliken sculdich is vo_e ho_ en_ vo_e sijn erfghename_ nae ho_ gheriden yden jans yden soens soen van arendonc en_ sinen erfghename_ nae hom drie mudde en_ tien loepen goets en_ gheefs rogghen siaers erfs~pachs der gherechter maten van eersel alle iaer erfeliken en_ o_merm__e op onser vrouwen dach lichtmisse als men kerssen bornt te ghelden en_ te betalen / te heffen en_ te boeren vut der helft van eenre hoeuen gheheyten sroesers~hoeue met ho_e toebehoerten gheleghen op den wedebusche in die p_chie van eyke aen sroesers~dijc / ghelijc als die voers_ jan buschman erfeliken te pacht ghenomen heeft tieghen gheriden yden voers_ en_ tieghen stassen van + den kerchoue van molle ouer der heren tsijns van + de_ gronde (onleesbaar) ouer twelf mudde en_ acht loepen rogghen siaers erfs~pachs der maten voers_ / En_ vut twee mudde rogghe_ siaers erfs~pachs d_ maten voers_ die jan helsen den voers_ jannen buschman jaerlijcs en_ erfelike_ gheldende is vut der helft van eenre hoeuen gheleghen op die witterijt in die p_chie van eyke En_ dat jan buschma_ voers_ gheloeft heeft op ho_ en_ op sijn goet vo_e ho_ en_ vo_e sijn erfghename_ nae hom gheriden yden voers_ en_ sinen erfghename_ nae ho_ dese voers_ twee mudde rogghe_ siaers erfs~pachs te weren tot ene_ onderpande in die helft van des_ voers_ hoeuen die gheleghen is op die witterijt als men erue met recht sculdich is te weren en_ allen vo_eco_mer van + de_ voers_ twee mudde rogghe_ siaers af te doen Met deser vorwarde_ toe~ghedaen weert dat sake dat gheriden yden voers_ sijns pachs ondtbreec en_ dat (onleesbaar) (onleesbaar) om sinen pacht als die pacht~dach leden is en_ niet eer soe sal die voers_ jan buschman an des voers_ gherijts oede en_ beesten voeden teynt der tijt toe dat hi dien pacht gheleuert sal hebbe_ sond_ enich weder~segghen ghegheue_ int iaer ons heren doe me_ screef dusent drie + hondert en_ tneghentich op den twentichsten dach in aprili