Corpus Van Reenen-Mulder (CRM14): Oorkonde K720r39002

Wij Arnt loys jan hoefma_ jan henr_ smets soen was wouter wellen willem jan scordels soen was en_ willem willem scordels soe_ was scepe_ in eersel tuge_ onder onse_ ghemeyne_ seghel Dat voir ons come_ is jan merselis soen was onse mede~scepen lide en_ kende dat hi gheloeft heeft en_ erfelijc sculdich is te + ghelde_ voir hom en_ voir sine_ erfghename_ na hom Gheraert lute_ va_ dusel tot sine_ behoef en_ sijnre erfghename_ behoef na hom Een mudde goits en_ gheefs rogghe_ syaers erfs~pachts der gherecht_ mate va_ eersel erfelijc en_ alle jaer op onser vrouwe_ dach lichtmisse als + me_ kerse_ bornt te + ghelde_ en_ te + betale_ Te + heffen en_ te bore_ vte alsulke_ ghelaghe mette_ husinghe dair op staende en_ met sine_ tobehoirten ghelijc alst jan voirs_ nv haudende en_ besittende is en_ als hi vormaels vercocht hadde tege_ Stheue_ molema_s en_ dat ghelege_ is jn + der p_chie_ va_ eersel met ene_ eynde ae_ die ghemeyn straet tot eersel en_ mette_ and_en eynde oec ae_ een straet met ee_re siden aen jacop rutgers erue en_ mett_ and_re siden ae_ kene_ steenvoirts erue . En_ dat jan vors_ heeft gheloeft de vors_ Gherit dit voirs_ een mudde rogge_ syaers erfs~pachts en_ sonder alsulke_ jaerghelt en_ here_ tsijns van + de_ gronde als + me_ voir met recht dair vte gheldende is . Ghegeue_ in + den jaer ons here_ gheboirt doe + me_ screef Dusent Drie + hondert en_ neghentich opte_ twentichste_ dach in Septembri .