Corpus Van Reenen-Mulder (CRM14): Oorkonde K720r39101

Wij Claus van p_weys Wouter wellens Jan henr_ smets soen was Arnt loys Jan hoefma_ Henrec stinen en_ jan nouts scepe_ jn eersel tughen onder onse ghemeyne_ seghel dat voir ons come_ is . Gherart ghisebrechts snoex soen was van broechoue_ lide en_ kende dat hi gheloeft heeft en_ erfelijc sculdich is te + ghelde_ voir hom en_ voir sine_ erfghename_ na hom Arnde_ sine_ bruder des vors_ ghisebr_ soen was tot sine_ behoef en_ siere erfghename_ behoef nae hom Achtien lope_ goits en_ gheefs roggen syaers erfs~pachts alle jaer op onser vrouwen dach lichtmisse als + me_ kerse_ bornt te ghelde_ en_ te betale_ mett_ gherecht_ mate_ va_ eersel Te heffen en_ te bore_ vut ene_ beemde jn + d_ p_chie_ va_ rijchoue_ ghelege_ met eenre side_ ae_ die strate . mett_ and_re side_ aen henr_ models erue / met ene_ eynde aen henr_ swilden erue mette_ and_en eynde vo_e des vors_ gher_ doere . Ende om meere vasticheit en_ sekerheit de_ vors_ Arnde te doe_ soe heeft gher_ vors_ i_ onderpande gheset bi + de_ vors_ beemde Een eusel dat gheheite_ is die Coyendonc jn + d_ p_chie_ vors_ gheleg_ met eenre side_ aen die ghemeynt van waelwijc . mett_ and_re side_ aen henr_ vos erue Met deser vorwarde_ toeghedae_ waert dat sake dat dese vors_ gherart oft siin erfghename_ na hom dese_ vors_ beempt op liet come_ voer de vors_ Achtien lopen rogge_ syaers . Dat dan dese vors_ erfenisse gheheite_ die Coyendonc die gher_ vors_ i_ onderpande gheset heeft mede op~comen sal ghelijc den vors_ beemde . En_ gherit vors_ heeft gheloeft op hom en_ op siin goet den vors_ arnde sine_ brueder dese vors_ erfenisse gheheite_ die coyendonc te were_ tot ene_ onderpande als + me_ erue met recht sculdich is te were_ en_ alle vorco_mer af te doe_ sonder der here_ tsijns van + de_ gronde . Ghegheue_ jn + de_ jaer ons here_ gheboirt doe + me_ screef Dusent Drie + hondert neghentich en_ ene opte_ vierde_ dach jn + die wedeMaent .