Corpus Van Reenen-Mulder (CRM14): Oorkonde K720r39401

Wij arnt loys jan van + den spiker jan hoefma_ wouter wellens jan henr_ smeds soen was willem jan scortels soen was en_ diederic opper scepen in eersel tugen onder onse_ ghemeyne_ segel dat voir ons come_ is : jan die moller va_ lo? herma_ juete_ ger lide en_ kende dat hi gheloeft heeft en_ erfelike_ sculdich is te gelden voir hom en_ voit sine_ erfghename_ na hem herma_ jueten va_ loen tot sine_ behoef en_ siere erfghename_ behoef na hem drie mudde goits ? gheefs roggen siaers erfs~pachts der gherecht_ mate_ va_ eersel alle jaer op ons_ vrouwe_ dach lichtmis als + men kersen bornt te ghelde_ en_ te betalen Te heffen en_ te boren vut ene_ ghelaghe mette_ husinghe_ dair op staende en_ mette_ hoeue dair aen ghelegen en_ met sine_ toebehoirte_ dat heilwigen der bruynscere_ te wesen plach en_ dat ghelege_ is in die prochie van loen met eenre siden aen willem smeds erue / mett_ and_re siden aen des vors_ jans smollers erue met ene_ eynde aen Meus erue van + de_ venne en_ mette_ andere_ eynde aen die ghemeynt . jtem vut ? stuc lands die ghenoe_pt is voir twee lope_ saet~lands jn der prochie_ voirs_ ghelege_ en_ dat geheite_ is die (onleesbaar) (onleesbaar) (onleesbaar) eenre siden gelegen aen jan hermans soens erue mett_ and_re siden aen ghisebr_ gherits soens erue . jt? (onleesbaar) helft van ene_ hoeue die ghelege_ is tot loen aen den kerchof . welc erfenisse die voirs_ jan die moller erf? te pacht vercreghe_ heeft tege_ den voirs_ herma_ jueten Ouer die voirs_ drie mudde rogghen siaers erfs~pachts en_ ouer een sleic lopen euenen en_ der here_ tsijns van + de_ gronde ghelijc die scepen~brieue va_ eersel dair op ghemaect claerlike inhaude_ en_ begripe_ . Gegheue_ in + den jair ons here_ gheboirt dusent drie + hondert neghentich en_ vier viue en_ twentich daghe in januario .