Lijst
Corpus Van Reenen-Mulder (CRM14): Oorkonde K720r39402
Eersel of omgeving, 1394
Wij Arnt loys jan hoefma_ jan van + den spiker wouter wellens willem jan scordels soen was wouter van + der quadewasschen en_ diederic opper scepen_ in eersel Tughe_ onder onsen ghemeyne_ seghel dat voir ons comen is henric oskens van berct lide en_ kende dat hi gheloeft heeft en_ erfelike_ sculdich is te ghelde_ voir hom en_ voir sine_ erfghename_ na hom Godeuarde_ henr_ soen van + de_ poel was va_ roesel tot sine_ behoef en_ siere erfghename_ behoef na hom . Twee mudde goits en_ gheefs rogghen siaers erfs~pachts der gherechter mate_ va_ eersel erfelike_ en_ alle jaer op onser vrouwe_ dach lichtmis als + me_ kersen bornt te ghelde_ en_ te betale_ . Te heffen en_ te boren vut ene_ beemde die + me_ heet dat Paulus~venne en_ die ghelege_ is tot berct jn + die prochie va_ eyke met beyde_ siden en_ met beyden eynden aen die ghemey_t . jtem vte ene_ stuc lants dat + me_ heet Coelen~vlaslant ghelege_ tot berct en_ in + der p_chie_ voirs_ met eenre siden aen Arnt loede_ erue metter and_re side_ aen peters erue van + de_ roete met ene_ eynde aen ene_ wech en_ mette_ anderen eynde aen Arnt loede erue voirs_ . Ende henric voirs_ heeft gheloeft op hom en_ op sijn goet de_ voirs_ godeuarde_ en_ sine_ erfghename_ na hom die voirs_ Twee mudde rogghe_ siaers erfs~pachts te were_ in + de_ voirs_ onderpa_de als + me_ erue met rechte sculdich is te were_ en_ alle_ voirco_mer daer inne af te doen sonder der here_ tsijns van + de_ gronde . Gegheue_ in + den jaer ons here_ gheboirt Dusent drie + hondert neghentich en_ + vier opten vijftiende_ dach in februario .