Corpus Van Reenen-Mulder (CRM14): Oorkonde K720r39901

Wij Arnt loys jan van + den spiker jan hoefman willem jans scordels soen was willem willems scordels soen was . wouter wellens en_ Diederic opper scepen in Eersel tuge_ onder onsen ghemeynen segel Dat voir ons come_ is Arnt zoen wilneer ghisebrecht ennekens was van Eyke en_ heeft met Scepen_~brieue_ van Eersel en_ met alle_ rechte_ ende vorwarden die hij dair aen hadde Opghedragen erfelijc en_ ouerghegeue_ voir hom en_ voir sine_ erfgename_ na hom . h_en Clause van blehaing Prouisoer des goitshuus van postel tot des Goitshuus behoef van postel voirs_ Alsulken Een mudde goits en_ gheefs Rogge_ siaers erfpachts der gherechter mate_ van Eersel als Diederic metten spyerinxs zoen was en_ Margriet sijn wijf wouter griete_ soens docht_ hom jairlixs en_ erfelijc sculdich ware_ te gelden alle_ jair op onser vrouwen dach lichtmis als + me_ kersen bornt vut den seluen onderpande die der scepen_~l____ren van Eersel dair op ghemaect begripe_ clairlijc en_ jnhauden / Ende die voirs_ Arnt ghisebr_ soen was voirscr_ heeft helmelinge_ tot ewegen dagen dair op vertege_ ende op allen Rechten brieuen en_ vorwarden die hij dair af hadde / tot behoef des Goitshuus van postel voirs_ / Ende dese selue Arnt heeft voirt geloeft op hom en_ op siin goet voir hom en_ voir sine_ erfgename_ na hom Dat voirs_ Opdrage_ ouergheuen en_ vertien tot ewegen dage_ vast en_ stendich te haude_ sonder enich wedersegge_ . en_ mede te were_ als + me_ erue met recht is sculdich te were_ / en_ alle_ voirco_mer dair in af te doen dien hij dair op ghemaect heeft / en_ van sine_ were dair o_merm__e op mach come_ sonder sh_en tsijns van + den gronde / ghegeue_ in + den jair ons h_en geboirt dusent drie + hondert negentich en_ negen opten jersten dach in Decembr_ .