Corpus Van Reenen-Mulder (CRM14): Oorkonde K720r39902

Wij arnt loys jan van + den spiker jan hoefman willem jans scordels soen was willem willems scordels soen was wouter wellens en_ diederic opper scepen in eersel tugen onder onsen ghemeyne_ segel Dat voir ons come_ is herman jueten van loen en_ heeft alsulken twee mudde roggen erfpachs als wouter siin soen hom jairlixs en_ erfelike_ sculdich was te gelden allen jair op onser vrouwe_ dach lichtmis vten seluen onderpande die scepen~brieue dair op ghemaect begripen en_ in~hauden Opghedragen erfeliken en_ ouerghegeue_ voir hom en_ voir sine_ erfgename_ na hom jannen ty_mermans van bladel sinen zwager tot sine_ behoef en_ sijnre erfgename_ na hom Jtem al alsulken erfenis als dese voirs_ herman liggende heeft in + der prochien van loen En_ die voirs_ herman heeft helmelinge_ tot ewegen dagen vertegen op die voirs_ twee mudde rogge_ erfpachs en_ op al die erfenis voirs_ tot behoef Jans ty_mermans voirscr_ en_ sijnre erfgenamen na hom En_ die voirs_ herma_ heeft voirt geloeft op hom en_ op siin goet dat voirs_ opdrage_ ouergheue_ en_ vertien vast en_ stendich te + hauden tot ewege_ dagen sonder wedersegge_ ghegeue_ in + den jair ons h_en gheboirt dusent drie + hondert negentich en_ negen des ander dages na sente laurens dach