Corpus Van Reenen-Mulder (CRM14): Oorkonde K720r39903

Wij Arnt loys jan van + den spiker jan hoefman willem jans scordels soen was wouter wellens willem wille_ scordels soen was en_ Diederic opper scepen in eersel tughe_ onder onsen ghemeyne_ segel Dat voir ons come_ is Arnt ghisebrecht snoexs soen was va_ broechoue_ en_ heeft alsulken Achtien lope_ goits rogge_ erfpachts der mate_ van eersel als Gherit snoexs siin bruder en_ des voirs_ ghisebr_ soen was hom jairlixs en_ erfelike_ gheldende was alle jare op onser vrouwe_ dach lichtmis . vte ene_ beemde en_ vte ene_ Eusel ghelege_ in + der prochie_ van rijthoue_ . ghelijc in~haude der scepen_~brieue va_ eersel dair op ghemaect en_ begripe_ . Opghedrage_ erfelike_ en_ ouerghegeue_ voir hom en_ voir sine_ erfgename_ na hom met alle_ rechten brieue_ en_ vorwarden die hi dair af hadde . Bruder claus voeghel . loemeester va_ Postel tot behoef des Goidshuys van Postel . En_ die voirs_ arnt heeft helmelinge_ tot ewege_ dage_ dair op vertege_ en_ op alle_ rechte brieue_ en_ vorwarde_ die hi dair af hadde tot behoef des goitshuys van postel vors_ En_ die voirs_ Arnt heeft voirt gheloeft op hom en_ op siin goet dat voirs_ Opdrage_ ouergheue_ en_ vertien vast en_ stendich te haude_ tot ewegen dage_ sonder weder~seggen / Ende mede te were_ als + me_ erue sculdich is te were_ met rechte en_ alle_ vorco_mer dair in af te doen sonder shere_ tsijns van + de_ gronde en_ die va_ sine_ wege_ dair o_merm__e op mach come_ / ghegeuen in + den jair ons here_ gheboirt Dusent drie + hondert negentich en_ neghen opten twelfsten dach in januario .