Corpus Van Reenen-Mulder (CRM14): Oorkonde K720r39905

Wij Arnt loys jan van + den spyker jan hoefman willem jans scordels zoen was willem willems scordels soen was wouter wellens en_ diederic opper Scepen in Eersel tuge_ onder onsen ghemeyne_ segel dat voir ons come_ siin jan van louen ende Elisbet siin witteghe wijf loden slomeneders dochter was met hore_ momboir / en_ hebben ghesamender hande Opgedrage_ erfelijc en_ ouerghegeue_ in rechter ghiften en_ in Rechter Aelmissen voir hon en_ voir horen erfgename_ na hon heren Clausen van blehaing Prouisoir des Goitshuus van Postel / tot behoef des goitshuus van Postel voirs_ Tien mudde goits en_ gheefs Rogghen siaers erfpachts der gherechter mate_ van Eersel allen jair erfelijc en_ o_merm__e op Onser vrouwe_ dach lichtmisse als + me_ kersen bornt te ghelden en_ te betalen Te heffen en_ te bore_ . vte Alsulken Goede als jan en_ Elisbet siin wijf voirs_ ligge_de hebben binne_ der prochien van hapart en_ jn + der dingbanck van Eersel dat is te wete_ . vten huse Schuer en_ scaepscoye mette_ gronde mette_ hoeui_gen dair toe + behorende en_ met alle_ ende Enyegelijc hore_ toebehoirte gelegen in + der prochien va_ hapart voirs_ . jtem vte ene_ acker geheite_ die gherst~acker gelege_ met eenre siden en_ met beyden einden aen des Goitshuus erue va_ Tongerlo . jte_ vte enen sleyc lopen + saet~lants geheite_ porte_~ackerken gelege_ met eenre siden en_ met ene_ eynde aen sgoitshuus erue van Tongerlo en_ mette_ anderre_ einde aen Elisbette_ Claus en_ hore kijnder erue . jtem vte ene_ hoeue geheite_ die vlascot gelege_ met eenre siden aen Elisbetten claus erue en_ hore kijnd_en voirs_ metter and_re siden aen jueten kijnder erue van nyegge_ . jte_ vte enen acker geheite_ die aude~graft gelege_ met eenre side_ en_ met ene_ einde aen sgoitshuus erue van Tongerlo en_ mette_ andere_ einde aen juete_ erue va_ nyegge_ en_ hore kijnd_en / jte_ vte ene_ acker geheite_ die groet~wilde~braeck met beiden side_ gelege_ aen Elisbette_ claus erue en_ hore kijnd_e voirs_ / en_ met ene_ einde aen den wech die van dalem compt / jtem vte ene_ acker geheite_ die cleyn~wilde~braeck gelege_ met beiden siden aen Elisbetten claus erue en_ hore kijnd_en voirs_ en_ met ene_ einde aen de_ voirs_ wech . jtem vter hoeue_ voir kateline_ sgruters die loden te wesen plach mette_ beemde en_ lande dair in gelege_ / jtem vte ene_ beemde jn die hautert die loden te wesen plach / jte_ vut ene_ bochtken niet verre van + der Elinter voert gelege_ dat des voirs_ loden te wesen plach Allen en_ enyeghelijc van + der erfenissen voirs_ jn + der prochie_ van hapart ghelege_ / met alle_ dien dat den voirs_ Goede toebehorende is / ghelijc als jan en_ Elisbet siin wijf voirs_ dat haudende en_ hebbende siin / Ende die voirs_ jan en_ Elisbet siin wijf voirs_ met hore_ momboir hebben helmelinge_ tot ewegen dage_ dair op vertege_ en_ op alle_ Rechte die sij dair aen hadde_ . tot behoef des Goitshuus van Postel voirscr_ Ende hebbe_ voirt gheloeft op hon en_ op hoir goede Dat voirs_ Opdrage_ ouergheuen en_ vertyen en_ die voirs_ ghifte tot ewege_ dage_ vast en_ stendich te haude_ sonder enich wederseggen / Ende mede te were_ die voirs_ Tien mudde roggen erfpachts jn + den voirs_ Goede en_ erfenissen voirs_ met alle_ hore_ toebehoirte_ als + me_ erue met rechte is sculdich te weren / Ende alle_ voirco_mer dair in af te doen sonder sheren tsijns van + de_ gronde / Ghegeue_ in + den jair ons he_en gheboirt Dusent drie + hondert negentich en_ neghen opten jersten dach in Decembri .