Corpus Van Reenen-Mulder (CRM14): Oorkonde K837r37701

Wij . Jan van + d_ heyden Willem van + d_ heyden en_ jan goete late ons ghemins h_en des abs van grimb_ghen Doen te weten allen lieden Dat come_ es vo_e den Richt_e des abs vors_ en_ voer ons lijsb_ lobs met gorde van yssche hare_ witteghen man en_ gheleu_den mombore mette_ vonnesse en_ mette_ rechte en_ hebben ghekent en_ ghelijt dat sij vercocht hebben witteleec en_ wale Arde van wtheem een . vieren_deel van ene_ ha_me also alse hi daer gheleghen es in die p_chie van kerb_ghe Miins heren van Rotselaer goet in deen side gheleghen en_ jans van arscot goet op dand_ side houdende and_ + half dachmael metten gronde luttel meer ocht min Jtem een stucke lans gheheten den bruggheacker houdende vierd + alf Dachmael metten gronde luttel meer ocht min gheleghen in die vors_ p_chie jans van haecht goet op deen side gheleghen en_ jans van + d_ heyden goet op dand_ side Jtem een . stucken lans gheheten ? houdende een . half dachmael metten gronde luttel meer ocht min gheleghen in die vors_ p_chie gheerts goet van + d_ hoeuen op deen side gheleghen en_ jan gosens goet op dand_ side jtem noch een . stucke lans gheheten den heydacker houdende een . dachmael metten gronde luttel meer ocht min gheleghen in die voerscr_ p_chie willems van + d_ heiden goet in deen side gheleghen en_ jan gosens goet op dand_ side En_ lijsb_ lobs vors_ met haren voerscr_ mombore hebbe_ gheloeft waerscap den vors_ arde van wtheem te jare en_ te daghe ghelijc alse ghewoenleec es en_ me_ pleecht En_ hier toe es ghesciet al datt_ toe sculdich was te ghesciene metten vonnesse en_ metten rechte en_ gheen poent van rechte ghelaten En_ om~dat wij late voerscr_ wale weten dat dit aldus vo_e ons ghesciet es en_ wy ghenen zeghel en hebben soe bidden wij . goeden wisen eersamen lieden scep_en van + d_ Dorpe van kerb_ghe ghemeinleec dat sij hare_ zeghel hanghen ane dese l_ren jn kennesse der waerheit En_ ou_mids beden van + den vors_ laten en_ der partyen voergh_ Soe hebben wij . scep_en vors_ onsen ghemeine_ seghel ghehanghen ane dese jeghewordeghe l_ren jn ghetughenesse der waerheit behoudeleec altoes jehelike_ sinen rechte Dit was ghedaen jnt jaer ons h_en doe_ men scref . Dusentich . Drie + hondert . Tseuentich . en_ sesse . op + den . achten . Dach van loumaent