Corpus Van Reenen-Mulder (CRM14): Oorkonde L001p37801

@ @ Wij willam van raelt richter / willam corstiaens soen / Jan baers / ende lambrecht van + den velde scepen tot wijc maeken kont ende kenlic allen luden dat @ voer ons is ghecomen dirc die scomaeker hermans soen ende heeft ghehuert tot des Richters ende der scepen segghen een hofstede tieghen Peter @ dirx soen die hij in enen versumenden Pacht hadde / ende verzumet was want hij Peter dirx soen voerscreuen sinen pacht van sijnre hofstede tsinen daghen niet betaelt en hadde / Ende dese voerseyde hofstede is gheleghen binnen der Poerten van wijc aen die straet die men @ ter arcke~Poert wt~gaet ende @ dirc voerscreuen nv ter tijt datum des briefs vp woent / daer bouen ende beneden naest ghelant is @ Peter dirx soen voerscreuen streckende van + der steenstraten tot aent kerchof toe / die welke hofstede voerscreuen dirc die scomaeker hermans @ soen voerseyt ghehuert heeft voer hem ende voer sinen erfghenaemen nae hem tieghen Peter dirx soen voerscreuen ende tieghens sinen @ erfghenaemen ghebraec sijns tot der segghers segghen voerscreuen tot enen eweliken erfpacht om drie Pont ende vijf scillinghe tsiaers @ alsulx payments als in elker tijt der betaelinghe binnen wijc ghenghe ende gheue sal sijn / te betaelen jaerlix die een helft van + den @ voerseyden ghelde tsinte Mertens misse in + den wijnter / ende die ander helft tsinte Peters misse ad Cathedram daer naest volghende / of @ binnen viertien + daghen nae elken daghe voerscreuen ombegrepen / Ende waer dat sake dat dirc die scomaeker hermans soen voerscreue_ @ of sijn erfghenaemen ghebraec sijns desen voerseyden pacht jaerlix niet en betaelden tot elken termijn ghelijc voerscreuen is soe vervielen @ sij claerliken van + der h˚eren ende van allen recht ende toe~segghen dat sij hadden of hebben mochten aen der voerseyder hofsteden ende @ en hadden daer en~gheen iaren meer aen / Jn orconde des briefs die wij richter ende scepen voerscreuen beseghelt hebben mit onsen seghelen om dirx beden wille voerscreuen / Ghegheuen int jaer ons heren dusent drie hondert acht ende tseuentich op alre heylighen @ dach . . .