Corpus Van Reenen-Mulder (CRM14): Oorkonde L001p37901

@ @ Wij willam van raelt richt_ / Willam Corstiaens soen / Claes die ridder / ende wyer die wit symons soen scepen tot wijc maken kont allen luden dat voer ons quamen int ? @ tot wijc / Claes die ridder voerscreuen / johan baers / Gonde ende v˚edel sijn zusteren mit jan baers voerseyt hueren gheboren mombaer / Ghijsebrecht van odijc / jan @ die scriuer / johan taetse / ende aernt die wit jacobs soen vter + melcwijc / ende hebben ghegheuen mit hueren vryen wille mit ghesamender hant den Deken en_ den @ Capittel van sinte johans kercke tot wijc enen vryen eyghendom mit oerdel ende mit vonnisse alse scepen wijseden dat recht was / behoudelic voerplicht ende @ scepen~brieue huers rechts van enen stuc lands dat ons aen~ghecomen is dat gheleghen is voer vijf hont lands twe scaft min gheleghen in middelbroec in @ enen Campe lands die ons aen~ghecomen is dat gheleghen is voer dertien hont lands twe scaft min / daer aernts kijnder van + den breync vier hont in hebben en_ @ die Deken ende Capittel voerseyt vier hont in ghemeenre voeren onderdeel mitten voerghenoemden vijf honden twe scaft min / daer bouen naest ghelant is @ willam zuermont van hindersteyne / ende beneden onse lieue here van apcoude / streckende mit elken eynde aen eenre weteringhe / Ende dese voerghenoemde jan @ baers / Gonde ende vuedel sijn zusteren / Ghijsebr_ van odijc / jan die scriuer / jan taetse / en_ aernt die wit jacobs soen vt_ + melcwijc hebbe_ gheloeft en_ verploghe_ mit @ ghesamender hant elc voer al ende onghesceyden den voerseyden Deken ende Capittel . te waren iaer en_ dach nae der daten des briefs dese voerghenoemde vijf @ hont lands twe scaft min ende alle voerco_mer of te doen / En deden sij des niet soe wes hinder of commer den voerseyden deken ende Capittel daer aen quame @ R˚erende van jan baers / Gonden ende v˚edel sijnre zusteren / Ghijsebr_ van odijc / jan scriuers / jan taetsen en_ aernts witten weghen jacob soens vt_ + melcwijc @ voersc_ dien sel + men hem wtpanden mitten recht en_ mit dien panden voert te varen als scepen wijsen dat recht is / Behoudelic onsen here van apcoude sijnre @ scout ende sijns rechts / jn orconde des briefs beseghelt mit onsen seghelen / Ghegheuen int jaer ons heren dusent drie + hondert neghen en_ tseuentich @ op den seuenden dach in aprille . . .