Corpus Van Reenen-Mulder (CRM14): Oorkonde L001p38301

@ @ Wy lambrecht van + den velde Richter wyer die wit heren willems zoen ende johan frambach peters zoen scepen tot @ wijc Maken kont ende kenlic allen luden . dat voer ons is ghecomen int ghericht tot wijc her Gherijt van + der weyde @ priester Canonic van sinte Johans kerc tot wijc . ende heeft ghegheuen mit sinen vrien wille ende mit johan willems @ zoen zijns ghecoren mombaers hant die hem die Richter weldighede op die tijt stedicheyt mede te doen / alse recht was @ heren aernd den ridder Deken tot wijc meyster johan den witten . ende heren Gheride den wannemaker canoniken van @ sinte johans kerc voerseyt enen vryen eyghendom mit ordel ende mit vonnisse / als die scepen wijsden dat recht was tot @ des Capittels behoef tot wijc van sinen huse ende hofstede mit egghen mit eynden ende mit alle sinen toe~behoeren alsoe @ alst gheleghen is tusschen Dirc spierinc dirc soens . ende der Poerte~wech die bi + der m˚ere leyt / Doe dit ghedaen @ was rechtevoert ende op die selue tijt quamen die Deken ende die Canoniken voerscreuen ende belyeden ende bekenden @ van + des capittels weghen voerseyt heren Pouwels van dronghelen priester sijn lijftocht te hebben ende te bruken aen + den @ voerseyden huse ende hofstede . alle arghelist wtghesceyden / Ende deser brieue sijn twee beyde sprekende ? eens @ Jn orconde des briefs . die wi Richter ende scepen voerscreuen bezeghelt hebben mit onsen seghelen / Ghegheuen int @ jaer ons heren D˚ysent Drie hondert drie ende tachtich des woensdaghes nae sinte Peters dach @ ad~vinc_la .