Corpus Van Reenen-Mulder (CRM14): Oorkonde L001p38901

@ @ Wy heynric van haerlem richter herdbaren van + den rijn lambert van + den velde ende iohan gols scepen tot wijc maken kont allen luden dat voer ons quamen jnt ghericht tot wijc @ her pouwels van dronghelen priester mit ghijsbert heynrics soen sinen ghecoren mombaer die hem die richter weldighede stedicheyt mede te doen op die tijt @ doe dit ghedaen was rechteuoert Ende op die selue tijt soe gaf her pouwels voerseit ouer mit zijns ghecoren mombaers hant voerseit ende mit sinen @ vryen wille mit oerdel en_ mit vonnisse alse scepe_ wyseden dat recht was behoudelic voerplichte en_ scepen~brieue huers rechts h_en Aernt die Ridder @ deken van zinte johans kerc tot wijc tot behoef sdekens en_ des ghemeyns Capittels der kerken voerscreuen Enen vryen eyghendom van Eenre hofsteden @ Mit alle hueren toebehoeren alsoe als die gheleg_ is opt oeuer daer noertwaert is naest ghelant en_ gheleghen wyer die wit h_en willems soen en_ aen @ die ander zyde zwtwaert aleyt die andries bots wijf was en_ huere kijnder streckende mit den Enen eynde aen die ghemeyn strate en_ mit @ den anderen eynde aen ons liefs h_en hofstede van apcoude Ende verteghen daer rechteuoert mede op alsoe dat die scepen wiseden dat sijt alsoe voer @ ouer hadden ghegheuen ende daer + na alsoe op hadden verteghen dat dese voerseide hofstede den voerseiden deken ende Capittel vast ende stade was ende bliue_ @ soude mit recht Ende behoudelic onsen he_e van apcoude sijnre scout en_ sijns Rechts jn oerkonde des briefs die wy richter ende scepen voerscreuen beseghelt @ hebben mit onsen seghelen ghegheuen jnt jaer ons h_en dusent drie + hondert neghen en_ tachtich op den viertienden dach in der maent van meye