Corpus Van Reenen-Mulder (CRM14): Oorkonde L001p39101

@ @ Wy heynric van lewen richter lambert van + den velde Ende willem hermans soen scepen tot wijc maken kont allen @ luden dat voer ons quamen jnt ghericht tot wijc meyster iohan van + der Eme clerc mit iohan Coghen sinen @ ghecoren mombaer die hem die richter weldighede stedicheyt mede te doen op die tijt mit recht rechteuoert @ En_ op die selue tijt soe gaf meyster iohan van + der Eme clerc voerseit ouer mit siins ghecoren mombaers @ hant voerseit en_ mit sinen vryen wille mit oerdel en_ mit vonnisse alse die scepen wyseden dat recht was @ behoudelic vuerplichte en_ scepen~brieue huers rechts h_en aernt den ridder deken van sinte iohans kerc tot @ wijc tot behoef des ghemeens capittels der kerken voersc_ die rechte helft van Enen hoeve mit allen toebehoer_ @ alsoe als die gheleghen is in + den ghericht van wijc ghelijc als hi meyster johan voerseit mit grieten die beernts @ wijf van + den bossche was onderdeel aen~bestoruen was van beernt van + de_ bossche voers_ . daer aen die een side noertwaert is naeste ghelant die proefst van Oudemunster En_ aen die ander zyde zwtwaert leyt naest Ene_ hof @ die onser vrouwen capelle toe~behoert streckende mit den enen eynde aen die hoghe + strate en_ mit den anderen @ Eynde aen + den leghen wech En_ meyster iohan voerseit verteech rechteuoert mit sinen ghecoren mombaers @ hant voerseit op desen voersc_ hof tot behoef des ghemeens capittels der kerken voersc_ alsoe dat die scepen @ wyseden dat sijt alsoe v˚er ouer hadden ghegheue_ en_ daer na alsoe @ op hadden verteghen dat si daer niet @ meer aen en hadden en_ dat dese voersc_ hof gelijc als hi v˚er bescreue_ en_ bepaelt staet den voerseiden capittel @ der kerken voersc_ vast en_ stade was en_ bliuen soude mit recht behoudelic onsen he_e van apcoude siinre scout @ En_ siins rechts in oerkonde des briefs besegelt mit ons_ segelen ghegheue_ jnt jaer ons h_en dusent drie + hondert @ Een en_ tneghentich op den derden dach in meerte