Corpus Van Reenen-Mulder (CRM14): Oorkonde L001p39501

@ @ wy claes van leyden richt_ peter van wijc en_ maes van ruemst dirx soen scepe_ tot wijc maken kont allen lude_ dat voer ons quam int gericht tot wijc johan maes soen en_ gaf ouer Enen vryen eygendom @ fyen die ghijsbert maes soens wijf was wouter hueren soen bely en_ aechten huerre dochte_n die si bi ghijsbert maes soen hadde mit oerdel en_ mit recht alse die scepe_ wysede_ dat recht was @ alse van drie merghen lands twe hont lands en_ viue en_ twijntich roeden lands egge_ en_ eynde_ mit allen toebehoere_ alsoe alst gelege_ is tot Riebeec daer bertout roelofs soens erfgename_ boue_ naest gelant sijn en_ benede_ willems erfgename_ van + de_ noerde streckende van + den coeter + wech tot an + de_ Rijn en_ jan maes soen verteech daer mede op alsoe dat die scepe_ wysede_ @ dat dit voersc_ lant fyen wouter bely en_ aechten hueren kijnde_n vast en_ stade was en_ bliue_ soude mit recht behoudelic ons_ he_e van apcoude sijnre scout en_ sijns rechts in oerkonde @ des briefs besegelt mit onsen segele_ gegeue_ jnt jaer ons h_en dusent drie + hondert viue en_ tneghentich des dijnsdages na beloken paessche~dach