Corpus Van Reenen-Mulder (CRM14): Oorkonde L001p39502

@ @ Wy claes van leiden richter peter van wijc wyer die wit en_ maes van ruemst dirx soen scepen tot wijc make_ kont allen luden dat voer ons quam int ghericht tot wijc her peter @ iohan frambachs soen canonic in sinte iohans kerc tot wijc en_ heeft hem belijt en_ bekent dat hi verkoft heeft . voer hem en_ voer sine nacomelinghe den deken en_ capittel van sinte iohans kerc tot wijc voerseit twe loet suluers of payment dat daer goet voer is in elker tijt der betalinghe iaerlix erfelic en_ ewelic wt sijnre hofstede daer sijn hws op staet gheleghen binnen wijc streckende van + der strate voert aen gillis brunen hofstede daer boue_ naest gelegen is een hofstede daer @ iohans ruters hws op staet Ende beneden iohan van + der stolpe mit eenre hofstede daer sijn hws op staet te betalen iaerlix op sunte peters dach ad cathedram of binnen viertien + daghen daer na ombegrepen En dede hijs niet soe sel + ment hem of sinen nacomelinghen iaerlix wt~pande_ mitten recht aen wat @ pande huers goets die deken ende capittel of huere cameraer in + der tijt ghepant willen wesen en_ mit dien pande_ voert te varen als scepen @ wisen dat recht is behoudelic ons_ he_e van apcoude sijnre scout en_ sijns rechts en_ dit ghelt daer dit voersc_ suluer om ghekoft is heeft aelbert @ teerpenninc den deke_ en_ capittel voersc_ ghegheue_ om~dat si een feest houden sullen iaerlix in + der kerken voers_ van + den heylighen sacrament alle @ argelist wt~ghesceiden in oerkonde des briefs beseghelt mit onsen segelen ghegheue_ jnt jaer ons h_en dusent drie + hondert viue en_ tneghentich @ op den pijnster~avont