Corpus Van Reenen-Mulder (CRM14): Oorkonde L001p39801

@ @ Wy aelbert stael Richter peter van wijc ende ghijsbert heinrics soen scepen tot wijc maken kont allen luden dat voer ons quam int @ gericht tot wijc diric spierinc ende heeft hem belijt ende bekent voer ons dat hi iaerlix erfelic ende ewelic sculdich is den @ deken ende capittel van sinte iohans kerc tot wijc twe loet fijns lodijcs suluers of die weerde daer voer aen anderen @ goeden paymente dat daer tot elker tijt binnen die poerten van wijc goet voer wesen sal wt sijnre hwsinge ende hofsteden @ mit allen toebehoren alsoe als die gelegen is binnen der poerten van wijc daer diric spierinc voersc_ nv ter tijt datu_ des briefs @ op woent tusschen hwsinge die willems van riebeec wyers soens te wesen plach aen die een zide ende aen die ander side beatris hwsinge van Cuele_ streckende mit den Enen eynde aen die vorderstrate en_ mit den anderen eynde aen die pertewech te betalen iaerlix erfelic en_ ewelic den deken en_ capittel voersc_ of hueren Cameraer die in elker tijt wesen @ sal van huere weghen op sunte peters dach ad cathedram of binne_ viertien daghen daer na ombegrepen En dede hijs @ niet soe selt hem die cameraer van + des capittels wegen voersc_ iaerlix wt~pande_ mitten recht en_ mit dien pande_ voert te varen als scepen wisen dat Recht is wtgheset alle argelist en_ behoudelic ons_ ? van apcoude siinre scout en_ ziins @ Rechts in oerkonde des briefs besegelt mit ons_ segele_ gegeue_ int iaer ons h_en dusent drie + hondert acht en_ tneghentich op sunte aechten dach